मुम्बई। ९० के दशक के प्रसिद्ध हिन्दी अभिनेत्री आ मॉडल ममता कुलकर्णी फेरु से चर्चित हो गइल बाड़ी। हाल ही में ऊ ‘लाफ्टर शेफ्स: अनलिमिटेड इन्टरटेनमेंट’ सिजन ३ के कार्यक्रम में अतिथि कलाकार के रूप में देखल गइल बाड़ी।
ई कार्यक्रम में देखला के बाद ममता कुलकर्णी लगभग २५ साल बाद टेलिविजन पर फेरु कदम रखली। उनका झलक सोशल मीडिया पर भी शेयर कइल गइल बा। शेयर कइल वीडियो में ममता कृष्णा अभिषेक के माथे पर टीका लगावत देखल जात बाड़ी। पृष्ठभूमि में ‘मांग मेरी भरो’ गीत बज रहल बा आ पूरा माहौल हँसी-खुशी से भरल लउकत बा।
सोशल मीडिया पर ई वीडियो के बाद लोग के तरह-तरह के प्रतिक्रिया मिलल। कई लोग उनका मुस्कान के सराहना कइलें, जबकि कुछ लोग सवालो उठवले बाडें। एगो प्रयोगकर्ता टिप्पणी कइलें, “उहाँ त बलिउड आ टीवी से दूर रहे के बात कहले रहीं, फेरु ई का हो गइल? साध्वी बने के बात त का भइल?”
ममता बुधके इंस्टाग्राम पर एगो वीडियो शेयर कइली, जवना में ऊ फैन लोग के नमस्कार करत बाड़ी आ परिवार के संग समय बितावत देखल जात बाड़ी। वीडियो में ऊ अपन घर में बइठल बाड़ी, बालकनी में एगो काैवा के खाना खाते देखावत कहली, “अभी हम सब मिलके सबेरे के नास्ता कर रहल बानी, ईहे हमर संसार बा।”
वीडियो में ममता कुलकर्णी करिया रंग के पोसाक में आ खुलल केश के साथ देखल जात बाड़ी।
हाल के समय में ममता कुछ विवाद में भी रहल बाड़ी। जनवरी २०२५ में प्रयागराज में महाकुम्भ के दौरान उनकरा किन्नर अखाडा के महामंडलेश्वर घोषित कइल गइल रहे, लेकिन शंकराचार्य अविमुक्तेश्वरानंद पर टिप्पणी के कारण विवाद भइल आ बाद में अखाडा उनकरा पद से हटा दिहलस।
ममता कुलकर्णी करीब दू दशक से फिल्मी दुनिया से दूर रह के आध्यात्मिक जीवन में लागल बाड़ी। लागूऔषध तस्करी के विवाद में नाम आवे के बाद ऊ विदेश चल गइल रहली। २०१६ में विक्की गोस्वामी से जुड़ल लागूऔषध प्रकरण में उनकर नाम सामने आइल रहे, तब ऊ भारत छोड़ के विदेश गइल रहली। ममता हमेशा कहत आइल बाड़ी कि ऊ निर्दोष बाड़ी आ उनकरा के फसावल गइल।
अभिनेत्री ममता कुलकर्णी के २५ साल बाद फेरु वापसी
