काठमांडू । नेपाली कम्युनिस्ट पार्टी (नेकपा) के संसदीय दल के नेता में अध्यक्ष पुष्पकमल दाहाल ‘प्रचण्ड’ सर्वसम्मति से चुनाइल बाड़ें।
एतवार के राजधानी में भइल दल के बैठक में दाहाल के संसदीय मोर्चा के नेतृत्व करे के जिम्मेदारी देहल गइल। उनका स्वकीय सचिव गोविन्द आचार्य के मुताबिक, पार्टी के सभ सांसद लोग के मौजूदगी में भइल बैठक में दाहाल के ही दल के नेता बनावे के फैसला कइल गइल।
हाल में भइल प्रतिनिधि सभा चुनाव में नेकपा प्रत्यक्ष में ८ आ समानुपातिक में ९, कुल मिलाके १७ सीट जीत के संसद में आपन उपस्थिति दर्ज करवलस।
संसदीय दल के नेता बनत ही दाहाल कहलन कि अब संसद में उनका पार्टी जिम्मेदार प्रतिपक्ष के भूमिका निभाई। ऊ कहनी कि देश के ताजा राजनीतिक हालत आ जनता के उम्मीद के ध्यान में रखत सदन के भीतर रचनात्मक दबाव बनावल जाई आ सरकार के कामकाज पर बारीकी से नजर राखल जाई।
चुनाव के बाद नया राजनीतिक संतुलन में नेकपा के ई भूमिका संसद के कामकाज आ नीति निर्माण प्रक्रिया में खास महत्व रखे वाला बा।
पुष्पकमल दाहाल ‘प्रचण्ड’ नेकपा संसदीय दल के नेता चुनइलें
