काठमाडौँ। सरकार सार्वजनिक सवारी साधन के भाड़ा बढ़ा दिहलस। सार्वजनिक यातायात आ ढुवानी के साधनन के भाड़ा में वृद्धि करे के फैसला भइल बा।
यातायात व्यवस्था विभाग मंत्रालय के सैद्धांतिक सहमति लेके नया भाड़ा तय करे के तैयारी में बा। नेपाल यातायात व्यवसायी राष्ट्रीय महासंघ के वरिष्ठ उपाध्यक्ष सरोज सिटौला के अनुसार, सार्वजनिक यातायात के भाड़ा १६.७१ प्रतिशत बढ़ावल गइल बा।
एही तरह, मालवाहक सवारी साधन के भाड़ा में भी उल्लेखनीय बढ़ोतरी भइल बा। पहाड़ी इलाका में चलत मालवाहक सवारी के भाड़ा २१.६८ प्रतिशत आ तराई क्षेत्र में १५.७५ प्रतिशत बढ़ावल गइल बा।
यातायात व्यवस्था विभाग के कहना बा कि भौतिक पूर्वाधार आ यातायात मंत्रालय भाड़ा बढ़ावे खातिर सैद्धांतिक मंजूरी दे चुकल बा। विभाग कुछ दिन में आपन आधिकारिक वेबसाइट पर नया भाड़ा के पूरा विवरण जारी कर दी।
अंतरराष्ट्रीय बाजार में पेट्रोलियम पदार्थ के बढ़ल दाम आ अउरी तकनीकी कारण देखावत, यातायात व्यवसायी लोग लंबा समय से भाड़ा समायोजन के मांग करत रहलें। नया भाड़ा लागु होखते आम लोग के रोजाना यात्रा आ उपभोग्य सामान के दाम पर भी असर पड़ सकेला।
कहाँ केतनस बढ़ल भाड़ा ?
सार्वजनिक यातायात – १६.७१% बढ़ोतरी
पहाड़ी क्षेत्र (ढुवानी) – २१.६८% बढ़ोतरी
तराई क्षेत्र (ढुवानी) – १५.७५% बढ़ोतरी
“सवारी भाड़ा में बढ़ोतरी, १५ से २१ प्रतिशत तक बढ़ावल गइल
