काठमांडू । वैदेशिक रोजगारी के नाम पर ठगी के शिकार भइल पीड़ित लोग के पिछला एक साल में ४३ करोड़ ४१ लाख रुपया से अधिक के क्षतिपूर्ति वापस मिलल बा।
वैदेशिक रोजगार विभाग द्वारा जारी आंकड़ा अनुसार २०८२ साउन १ से २०८३ असार २० तक के अवधि में ई रकम पीड़ित लोग के उपलब्ध करावल गइल बा। विभाग के मुताबिक, चालू आर्थिक वर्ष के साउन से चैत तक के नौ महीना में ८८२ गो मामला से १२ करोड़ ६७ लाख ३९ हजार रुपया मुआवजा दिलावल गइल।
ओही तरह, पिछला तीन महीना यानी २०८३ वैशाख के बाद १,००४ गो शिकायत में मेल-मिलाप कराके ३० करोड़ ७ लाख ४२ हजार ३०० रुपया पीड़ित लोग के वापस कइल गइल बा।
मामला निपटारा आ मुआवजा दिलावे के दर में क्रमशः २४१.५ प्रतिशत आ ६७२.८ प्रतिशत के उल्लेखनीय बढ़ोतरी भइल बा, जवन के विभाग अपना कार्यप्रदर्शन में सुधार के रूप में देखत बा।
वैदेशिक रोजगारी के पीड़ितन के मिलल ४३ करोड़ से अधिक मुआवजा
