काठमाडौँ । नेपाली कांग्रेस के महामंत्री आ पूर्व स्वास्थ्य मंत्री प्रदीप पौडेल कालिकोट के पलाँता अस्पताल में स्वास्थ्यकर्मी सभ पर भइल लगातार हमला के घटना पर तुरन्त जांच करके दोषियन पर कानून अनुसार कार्रवाई करे के मांग कइले बाड़ें।
शुक्र के दुपहर अस्पताल में डॉक्टर आ नर्स सभ पर कुटपिट भइल आ रात में फेरु हमला भइल, एह घटना पर पौडेल गम्भीर चिन्ता जतवले बाड़ें।
सोशल मीडिया पर प्रतिक्रिया देत ऊ सरकार से मांग कइले कि अस्पताल के भीतर घुस के भइल हमला के पूरा जांच कइल जाए। ऊ कहले, “अस्पताल के भीतर घुस के भइल हमला के तुरन्त जांच करके कानून मुताबिक कार्रवाई होखे के चाहीं।”
पौडेल कहले कि जे स्वास्थ्यकर्मी नागरिकन के जान बचावे खातिर काम करेलन, ओह लोग के आपन जान ही खतरा में पड़ जाना बहुत गम्भीर बात ह। एह से ऊ सरकार से अस्पतालन में शांति आ सुरक्षा के व्यवस्था अउरी मजबूत करे के अपील कइले बाड़ें।
उनकर कहना बा कि दूर-दराज इलाका में जोखिम उठा के सेवा देत डॉक्टर, नर्स आ बाकी स्वास्थ्यकर्मी अगर आपन काम करे के जगह पर ही असुरक्षित महसूस करिहें, त ई बहुत दुखद आ चिन्ताजनक बात ह।