संघीय संसद् अन्तर्गत प्रतिनिधि सभा के बैठक आजु दुपहरिया १ बजे सिंहदरबार में स्थित संसद भवन में बइठे वाला बा। आज के बैठक में उद्योग, वाणिज्य तथा आपूर्ति मन्त्री गौरी कुमारी ‘खानी तथा खनिज पदार्थ विधेयक, २०८३ उपर विचार होखो’ कहके प्रस्ताव पेश करे वाली बाड़ी।
संघीय संसद् सचिवालय के अनुसार, विधेयक पर सैद्धान्तिक छलफल के बाद सांसद लोग के ओर से उठावल गइल सवाल के मन्त्री जवाब देहें आ ‘विचार होखो’ कहके प्रस्ताव के निर्णय खातिर पेश कइल जाई।
एही बीच, संसद के दू गो विषयगत समिति के बैठक भी आजे बोलावल गइल बा। तय कार्यसूची अनुसार सार्वजनिक लेखा समिति आ विकास, आर्थिक मामिला तथा सुशासन समिति के बैठक बिहान ११ बजे से होखे वाला बा।
सार्वजनिक लेखा समिति के बैठक में २०८२ भदौ २३ आ २४ गते भइल आन्दोलन आ घटना के कारण जरल स्रेस्ता सभ के वर्तमान अवस्था आ भइल क्षति के बारे में विस्तृत छलफल होई।
ओही तरह, विकास, आर्थिक मामिला तथा सुशासन समिति के बैठक में देश में पछिला समय तेजी से आगे बढ़ रहल ‘डिजिटल अर्थतन्त्र’ के वर्तमान अवस्था, चुनौती आ भावी रणनीति के बारे में सरोकारवाला लोग से छलफल करे के कार्यसूची तय कइल गइल बा।
प्रतिनिधि सभा के बैठक आज होखे जा रहल
