काठमाण्डू । नेकपा (एमाले) के अध्यक्ष आ पूर्वप्रधानमन्त्री केपी शर्मा ओली संविधान के पक्षधर शक्तिसभ के एकजुट होके संविधान के रक्षा करे आ राष्ट्रीय एकता के मजबूत बनावे पर जोर देले बाड़न।
संविधान दिवस के अवसर पर देश-विदेश में रहल सभ नेपाली दिदीबहिनी आ भाइ लोग के शुभकामना सन्देश जारी करत अध्यक्ष ओली कहलन कि देश के सही दिशा में आगे बढ़ावे आ बचावे खातिर संविधानप्रति प्रतिबद्ध शक्तिसभ के एकजुट होखल जरूरी बा।
लोकतान्त्रिक, वामपन्थी, देशभक्तिपूर्ण आ अलग-अलग वर्ग, क्षेत्र तथा समुदाय के आन्दोलन के दौरान शहादत देवे वाला ज्ञात-अज्ञात शहीदसभ के श्रद्धाञ्जली अर्पण करत ऊ कहलन कि संविधान जारी भइला के तुरन्त बाद देश जे अमानवीय नाकाबन्दी जइसन कठिन परिस्थिति के सामना कइलस, ओहसे संविधान के रक्षा आ राष्ट्रीय एकता खातिर अउरी प्रेरणा मिलल।
संविधान निर्माण के कठिन घड़ीसभ के सामना करत अपना नेतृत्व में रहल तत्कालीन सरकार के छोट समय में जरूरी कानून बनावे आ संरचनात्मक विकास करे के माध्यम से संविधान के पूर्ण कार्यान्वयन के चरण में पहुँचा देवे के दाबी भी अध्यक्ष ओली कइले बाड़न।
संविधान के पक्षधर शक्तियन के एक जगह पर खड़ा होखे के चाहीं: एमाले अध्यक्ष ओली
