२०७२ साल असोज ३ गते ऐतिहासिक संविधान सभासे संघीय लोकतान्त्रिक गणतन्त्रसहित नेपाल के संविधान जारी भइल रहे। ओहि ऐतिहासिक दिनकेँ स्मरण करत आज देशभर अनेक कार्यक्रम सभकेँ आयोजना कऽ संविधान दिवस तथा राष्ट्रिय दिवस मनावल जा रहल बा।
नेपाली जनता के सात दशक लमहर संघर्ष, बलिदान आ जनआन्दोलनसे प्राप्त उपलब्धि के रूप में रहल एह दिनकेँ अवसर पर देशभरि विभिन्न समारोह आयोजित कइल गइल बा।
हरेक साल के तरह एह सालो काठमाण्डू के सैनिक मञ्च टुँडिखेल में विशेष समारोह के आयोजना भइल बा। एह समारोह में राष्ट्रपति, उपराष्ट्रपति, प्रधानमन्त्री, प्रधानन्यायाधीश, सभामुख, राष्ट्रिय सभा अध्यक्ष लगायतका उच्चपदस्थ व्यक्तित्व सभकेँ सहभागिता रहल बा।
एहिसे साथे प्रदेश सरकार, स्थानीय तह, गणतन्त्रवादी राजनीतिक दल, विभिन्न संघ–संस्था आ नागरिक स्तरसे भी आपन-आपन तरीका से प्रभातफेरी, विचार गोष्ठी आ दीप प्रज्वलन जइसन कार्यक्रम करके दिवस मनावल जा रहल बा।
दिवस के शुभकामना देत देश के प्रमुख राजनीतिक नेता सभ संविधान के मर्म आ भावना अनुसार नागरिकन के मौलिक अधिकार के संरक्षण, समावेशी लोकतन्त्र के सुदृढ़ीकरण आ देश के समृद्धि खातिर एकजुट होखे के आह्वान कइले बाड़ें।
संविधान के पूर्ण कार्यान्वयन आ संस्थागत विकास के माध्यम से नागरिकन के जीवनस्तर में सुधार ले आवल आज के मुख्य प्राथमिकता हऽ, नेता सभ के सन्देश में ई बात उल्लेख कइल गइल बा।
आज संविधान दिवस मनावल जा रहल
