पर्सा । नेपाली कांग्रेस पर्सा के ओर से १५वाँ महाधिवेशन के सफल बनावे खातिर जिला स्तरीय भेला के आयोजन कइल गइल। भेला में पार्टी के नेता आ कार्यकर्तन के उल्लेखनीय सहभागिता रहल।
कार्यक्रम के सुरुआत राष्ट्रिय गान से कइल गइल। ओकरा बाद शहीद लोग के सम्मान में एक मिनट के मौनधारण कइल गइल।
कार्यक्रम के अध्यक्षता नेपाली कांग्रेस के पूर्व महासमिति/महाधिवेशन प्रतिनिधि आ पूर्व क्षेत्रीय सभापति विजय कर्ण कइले। कार्यक्रम में केन्द्रीय प्रतिनिधि सुरेन्द्र न्यौपाने प्रमुख अतिथि के रूप में सहभागी रहलें।
भेला में वैकुण्ठ श्रीवास्तव आ विजय उपाध्याय वरिष्ठ अतिथि के रूप में उपस्थित रहलें। ओही तरह दिलिप बराल, शिवम लामिछाने, मनोज यादव, राजेन्द्र प्रसाद सिंह आ शिव नारायण कुशवाहा अतिथि के रूप में सहभागी रहलें।
कार्यक्रम में सुरेन्द्र लामिछाने स्वागत मन्तव्य देत सहभागी नेता आ कार्यकर्ता सभ के स्वागत कइलें। उहाँ कार्यक्रम के उद्देश्य आ महत्त्व के बारे में जानकारी भी देलें।
आयोजक के अनुसार, भेला के मुख्य उद्देश्य नेपाली कांग्रेस के १५वाँ महाधिवेशन के सफल बनावे खातिर आवश्यक तैयारी, संगठनात्मक समन्वय आ जिला स्तर पर पार्टी के गतिविधि के प्रभावकारी बनावल रहल।
कार्यक्रम के उद्घोषण मनोज कुमार साह कइले रहलें।