काठमाडौं । जापान में चल रहल २०वाँ एशियाई खेलकूद के पुरुष क्रिकेट में नेपाल अफगानिस्तान के ५ विकेट से हरा देले बा।
जापान के आइची स्थित निशिन में रहल कोरोगी स्पोर्ट्स पार्क में भइल मैच में नेपाल अफगानिस्तान के हरवलस। अफगानिस्तान के ओर से मिलल १०३ रन के लक्ष्य नेपाल १७.२ ओवर में ५ विकेट गँवा के पूरा क लिहलस।
नेपाल खातिर सन्दीप जोराले सबसे बेसी ३४ रन बनवलें। रोहित पौडेल नाबाद ३३ रन आ दीपेन्द्रसिंह ऐरी १५ रन बनवलें।
टॉस जीत के पहिले बल्लेबाजी करत अफगानिस्तान २० ओवर में ७ विकेट गँवा के १०२ रन बनवलस। अफगानिस्तान खातिर फेसल शिनोजादा सबसे बेसी ३३ रन बनवलें। नजिबुल्लाह जाद्रान ३० रन आ नङ्गेलिया खरोटे १७ रन बनवलें।
नेपाल के ओर से कुशल भुर्तेल ४ विकेट आ ललित राजवंशी ३ विकेट लिहलें।
नेपाल समूह ‘ए’ में अफगानिस्तान आ जापान के साथ बा। बियफे भइल पहिला मैच में अफगानिस्तान जापान के हरा चुकल बा।
नेपाल अब शनिचर के जापान से खेली। समूह से टॉप २ टीम क्वार्टरफाइनल में पहुँचिहें। क्वार्टरफाइनल में नेपाल के सामना भारत भा श्रीलंका में से कवनो एक टीम से हो सकेला।
पिछला एशियाई खेल में भी नेपाल क्वार्टरफाइनल में भारत से हार गइल रहे।
एशियाई खेल में नेपाल अफगानिस्तान के ५ विकेट से हरा दिहलस
