नेपाली कांग्रेस के १५वाँ राष्ट्रीय महाधिवेशन आज से काठमाडौं के खुलामंच में शुरू होत बा। असोज २२ गते तक चले वाला एह महाधिवेशन में देश के अलग-अलग जिला आ विदेश में रहल जनसम्पर्क समिति से सात हजार से अधिक प्रतिनिधि सहभागी होखे वाला बाड़ें।
महाधिवेशन में शामिल होखे खातिर देश के विभिन्न जगह से प्रतिनिधि आ शुभेच्छुक लोग के काठमाडौं आवे के क्रम बढ़ गइल बा। एह चलते राजधानी के यातायात व्यवस्था के भी प्राथमिकता में राखल गइल बा। संभावित सवारी चाप के ध्यान में राखत ट्राफिक प्रहरी के समन्वय से विशेष पार्किङ के व्यवस्था कइल गइल बा।
महाधिवेशन यातायात व्यवस्थापन समिति के संयोजक विजयबहादुर स्वाँर के मुताबिक प्रतिनिधि आ सहभागी लोग के सवारीसाधन खातिर धरहरा के अन्डरग्राउन्ड, माइतीघर से भद्रकाली तक के वान–वे सड़क के एक तरफ के हिस्सा आ दरबारमार्ग स्थित अन्नपूर्ण होटल परिसर के मुख्य पार्किङ स्थल बनावल गइल बा।
एही तरह पुरान बसपार्क क्षेत्र आ भृकुटीमण्डप परिसर में भी सवारीसाधन पार्किङ के व्यवस्था करे के विषय में ट्राफिक प्रहरी से समन्वय हो रहल बा।
महाधिवेशन के दौरान प्रतिनिधि, शुभेच्छुक आ आम नागरिकन के आवागमन सहज बनावे खातिर यातायात व्यवस्थापन पर विशेष ध्यान दिहल गइल बा। संभावित भीड़ आ सवारी चाप के व्यवस्थित करत काठमाडौं उपत्यका के यातायात के सहज बनावे के तैयारी कइल गइल बा।
नेपाली कांग्रेस के १५वाँ महाधिवेशन आज से शुरू
