काठमांडू। ईरान के राष्ट्रीय सुरक्षा परिषद्, तेहरान के लोगन से राजधानी छोड़के चल जाएके कहले बा। इजराइल आ अमेरिका जबरदस्त हमला जारी रखले बा, ओहसे सुरक्षा परिषद् स्थानीय नागरिकन से राजधानी छोड़के जाए के अनुरोध कइले बा।
परिषद् के जारी बयान में कहल गइल बा कि मौजूदा हालात के ध्यान में रखत, संभव हो सके त शांति बनवले राखत दूसर जगह आ शहरन में यात्रा करे के कोशिश करीं, ए बात के अंतरराष्ट्रीय मीडिया अलजजीरा बतवले बा।
तेहरान समेत देश के कई शहरन में कई विस्फोट के आवाज़ सुनाई दे रहल बा। तेहरान में ईरान के सर्वोच्च नेता आयातुल्लाह अल खामनेई के कार्यालय आ राष्ट्रपति के कार्यालय के भी निशाना बनावल गइल बा।