बारा निर्वाचन क्षेत्र नम्बर ३ में राष्ट्रिय स्वतन्त्र पार्टी के उम्मीदवार अरविन्द साह जीत हासिल कइले बाड़ें। उ अपना नजदीकी प्रतिद्वन्द्वी नेपाली कांग्रेस के उम्मीदवार फरमुल्लाह मन्सुर के पीछे छोड़ के जीत दर्ज कइले बाड़ें।
निर्वाचन परिणाम अनुसार, अरविन्द साह ४०,६९७ मत पाकर विजयी भइले। उनका प्रतिद्वन्द्वी नेपाली कांग्रेस के फरमुल्लाह मन्सुर १०,०५२ मत पइले बाड़ें।
एहिसे अलग जनता समाजवादी पार्टी (जसपा) नेपाल के उम्मीदवार रामबाबु कुमार यादव ६,८८४ मत पइले बाड़ें। नेकपा एमाले के उम्मीदवार ज्वाला कुमारी साह ५,२७१ मत हासिल कइले बाड़ी।
ओही तरह जनमत पार्टी के उम्मीदवार प्रमोद गुप्ता ३,८१९ मत पइले बाड़ें, जबकि नेपाली कम्युनिष्ट पार्टी के उम्मीदवार भरत प्रसाद साह १,७५१ मत हासिल कइले बाड़ें।
एह निर्वाचन क्षेत्र में राष्ट्रिय स्वतन्त्र पार्टी के उम्मीदवार अरविन्द साह उल्लेखनीय मतान्तर से जीत हासिल कइले बाड़ें।
बारा–३ में अरविन्द साह भारी मतान्तर से भइलें विजयी
