काठमाडौँ: देस के अलग-अलग हिस्सा में आइल प्राकृतिक आपदा के चलते पिछला २४ घंटा में चार लोगन के जान गइल बा।
राष्ट्रीय विपद जोखिम न्यूनीकरण आ प्रबंधन प्राधिकरण के जानकारी अनुसार एह समय में देस भर में ७३ गो आपदा के घटना दर्ज कइल गइल बा। जान गंवावे वाला लोगन में से दू गो हावा के झोंका से, एक गो बिजुरी लागला से आ एक गो साप के काटे से जान गंवले बा। प्रकृति के ई अनहोनी चोट अलग-अलग जिला के परिवारन के शोक में डुबा दिहलस।
खासकर सोमार के संझा के आइल तेज हावा उदयपुर जिला में बड़ मानवीय नुकसान कइलस। हावा के झोंका से गिरे वाला गाछ से कटारी नगरपालिका–८ थलीयाटार के मिनामाया तामाङ आ कटारी नगरपालिका–५ के ६४ बरिस के वीरेन्द्र चौधरी के दुखद मृत्यु भइल बा। ओही जिला में हावा के दौरान गाछ के दबइला से दूसर ५ लोग गंभीर रूप से घायिल भइल बाडे। तेज हवा के कारण घर के छत उड़ गइल आ गाछ गिरल, जवना से लोगन के जिनगी दहशत में पड़ गइल।
प्राधिकरण के आंकड़ा अनुसार पिछला एक दिन में एह प्राकृतिक दुर्घटना में कुल १४ लोग घायिल भइल बाडे। घायल लोग के स्थानीय अस्पताल में इलाज हो रहल बा। मौसम में अचानक बदलाव आ बढ़त गर्मी के साथे शुरू भइल हावा आ बिजुरी के मौसम ग्रामीण इलाका में जोखिम बढ़ा दिहलस। विपद प्रबंधन निकाय लोगन से सतर्क रहके प्राकृतिक आपदा के दौरान सुरक्षित जगह पर रहेला अपील कइल बा।
पिछला २४ घंटा में हावा के झोंका, बिजुरी आ साप के काटे से चार लोगन के मौत
