लंदन। नेपाल पत्रकार महासंघ कञ्चनपुर शाखा के अध्यक्ष सुरेश धामी के इलाज खातिर नेपाल पत्रकार महासंघ बेलायत शाखा आर्थिक मदद देले बा।
पैंक्रियाज में ट्यूमर होखला के बाद काठमांडू के शिक्षण अस्पताल (केएमसी), सिनामंगल में इलाज करा रहल धामी खातिर बेलायत शाखा 65 हजार 5 सौ रुपइया जमा कइले बा।
नेपाल पत्रकार महासंघ बेलायत शाखा के सचिव विश्वासदीप तिगेला आ कार्यसमिति सदस्य वाचस्पति रेग्मी सहित टीम ई रकम महासंघ के केंद्रीय अध्यक्ष निर्मला शर्मा के केंद्रीय कार्यालय में जा के सौंपले बा।
गंभीर स्वास्थ्य समस्या के चलते धामी लंबा समय से अस्पताल में भर्ती बाड़े। ऑपरेशन आ ओकरा बाद संक्रमण के कारण इलाज के खर्च काफी बढ़ गइल बा। पत्रकारिता के अलावा उनकरा लगे कमाई के मजबूत साधन ना रहे, एह से परिवार आर्थिक दिक्कत में पड़ गइल रहे आ मदद खातिर अपील कइले रहे।
ओही अपील के आधार पर महासंघ केंद्र बेलायत शाखा से समन्वय करके ई सहयोग जुटवले बा।
महासंघ बतवले बा कि संकट के घड़ी में विदेश में रहल पत्रकार साथी लोग से मिलल ई मदद बहुत राहत देवे वाला बा। संगठन बेलायत शाखा के प्रति आभार जतवले बा।
नेपाल पत्रकार महासंघ बेलायत शाखा एह से पहिले भी कई बेर विपद में पड़ल पत्रकार लोग के मदद करत आइल बा।
पत्रकार सुरेश धामी के इलाज खातिर महासंघ बेलायत शाखा से 65 हजार के आर्थिक मदद
