कपिलवस्तु मे झड़प के बाद अनिश्चितकालीन कर्फ्यू लागू

बुटवल । महाराजगञ्ज के बर्गदवा इलाका में दू समुदाय के बीच झड़प के बाद जिला प्रशासन अनिश्चितकालीन निषेधाज्ञा (कर्फ्यू) लागू कर देले बा।
आज सबेरे मंदिर में भजन गावे के दौरान तोड़फोड़ के मामला से हिंदू आ मुस्लिम समुदाय के जवान लोगन के बीच तनाव बढ़ गइल। हालात बिगड़े के आशंका देखत जिला प्रशासन कार्यालय कपिलवस्तु आज दुपहर २ बजे से अगिला सूचना तक कवनो भीड़, सभा या जुलूस पर रोक लगा देले बा।
प्रशासन के मुताबिक, पूर्व में बर्गदी पुल, पश्चिम में बहादुरगंज चोक, उत्तर में महाराजगंज बाजार आ दक्षिण में हर्दौना इलाका तक ई निषेधाज्ञा लागू बा।
ई झड़प राम नवमी आ इद के मौका पर मंदिर आ मस्जिद में माइक के तेज आवाज के कारण शुरू भइल। झड़प के दौरान पत्थरबाजी भइल, जवन में ५ लोग हल्का रूप से घायल भइले बाड़न।
मुख्य जिला अधिकारी भविश्वर घिमिरे के कहनाम बा कि निषेधाज्ञा लागू होखे के बाद अब स्थिति नियंत्रण में बा।