बारा के जीतपुरसिमरा उपमहानगरपालिका के डुमरवाना–बडहर्वा सड़क खंड पर भइल सड़क हादसा में एगो सेवानिवृत्त शिक्षक के मौत हो गइल बा। मरल व्यक्ति के नाम केदारप्रसाद शर्मा रहे, जे रौतहट के संग्रामपुर के रहने वाला रहलें आ अभी जीतपुरसिमरा उपमहानगरपालिका वार्ड नं. २ में बसत रहलें। उहाँ के उमिर ६१ साल रहे।
शर्मा प्र.०२–०३–०७ प २३४१ नंबर के मोटरसाइकिल चलावत बडहर्वा ओर जात रहलें। उहे दिशा से आवत ना ७ त ५२२६ नंबर के ट्रैक्टर से ठोकर लगला के बाद मोटरसाइकिल अनियंत्रित हो गइल आ सामने से आवत प्र.०२–०३–००१ त नंबर के दोसर ट्रैक्टर से टकरा गइल।
एह हादसा में गंभीर रूप से घायल भइल शर्मा के इलाज खातिर वीरगंज के मेडिसिटी अस्पताल में भर्ती करावल गइल, जहाँ इलाज के दौरान उनकर मौत हो गइल। एह बात के जानकारी जिला प्रहरी कार्यालय बारा के प्रहरी निरीक्षक सुरेश भट्ट देले बाड़ें।
बारामे ट्रैक्टर के ठोकर से सेवानिवृत्त शिक्षक के मौत
