वीरगंज में चल रहल प्रधानमंत्री कप में मधेस सुदूरपश्चिम पर जोरदार जीत हासिल

प्रधानमंत्री कप राष्ट्रीय पुरुष प्रतियोगिता में मधेस प्रदेश सुदूरपश्चिम प्रदेश पर जोरदार जीत हासिल कइलस। वीरगंज के नारायणी क्रिकेट मैदान में बुध के दिन भइल मैच में मधेस ५ विकेट से सुदूरपश्चिम के हरवलस।
सुदूरपश्चिम द्वारा राखल गइल १६१ रन के लक्ष्य मधेस ३३.४ ओवर में ५ विकेट गवांके पूरा कइलस। अरनिको यादव, जे मधेस खातिर अविजित ३६ रन बनवले आ सुदूरपश्चिम के ३ विकेट समेत लेलन, के मैन ऑफ दी मैच घोषित कइल गइल। मधेस खातिर महम्मद आदिल ३४ रन आ पवन सर्राफ २१ रन के योगदान दिहलन।
पहिले टॉस हारके बल्लेबाजी करे वाला सुदूरपश्चिम ४३.२ ओवर में १६० रन पर अलआउट हो गइल। ओकरा तरफ से अभिषेक पल ३३ रन, नारायण जोसी २३ रन आ किरण २३ रन बनवले रहलें। बलिंग में मधेस के अरनिको यादव ३ विकेट लिहलें।