काठमांडू । श्रम, संस्कृति पार्टी के अध्यक्ष आ नया निर्वाचित सांसद हर्क साम्पाङ प्रतिनिधि सभा के रोस्टम से अमेरिकी सहायता परियोजना एमसीसी के खारिज करे के जोरदार मांग कइलन।
नया संसद के पहिला बैठक के संबोधित करत उहाँ एमसीसी के ‘असमान आ राष्ट्रघाती’ समझौता बतावत कहलन कि एहसे देश के सार्वभौमिकता पर असर पड़ सकेला। साम्पाङ कहले कि संसद में खाली भावना ना, बल्कि जनता के आवाज आ देश के जरूरत के प्राथमिकता देवे के चाहीं, आ आपन साफ अडान रखलन।
आपन संबोधन में साम्पाङ ई भी तर्क दिहलन कि नेपाल के असंलग्न विदेश नीति आ स्वाधीनता के रक्षा खातिर सैन्य रणनीति से जुड़ल अइसन विदेशी समझौता खतरनाक हो सकेला। उहाँ कहले कि एमसीसी खाली व्यापारिक समझौता ना ह, बल्कि रणनीतिक स्वार्थ से जुड़ल बा, एहसे एहके तुरंत खारिज क के राष्ट्रीय हित के रक्षा कइल जरूरी बा।
संसद के पहिला दिने उठावल गइल एह मुद्दा से संकेत मिलत बा कि राष्ट्रीयता आ विदेशी सहायता के मुद्दा पर आगे सदन में बहस अउरी तेज हो सकेला।
संसद के रोस्टम से हर्क साम्पाङ कइलन एमसीसी खारिज करे के मांग
