काठमांडू। जिला आर्थिक गणना कार्यालय आगामी वैशाख २ गते से शुरू होखे वाला राष्ट्रीय आर्थिक गणना के सफल बनावे खातिर जिला के उद्योगी आ व्यवसायी सभ से सहयोग के अपील कइले बा।
कार्यालय बिअफे के एगो छलफल कार्यक्रम करके बतवलस कि ई आर्थिक गणना प्रदेश के आर्थिक विकास खातिर राष्ट्रीय नीति बनावे में बहुत जरूरी बा, एह से सही आँकड़ा उपलब्ध करावल बहुत जरूरी बा।
ओह मौका पर धनुषा के प्रमुख जिला अधिकारी प्रेमप्रसाद लुइँटेल कहलन कि देश के आर्थिक विकास खातिर सरकार के हर काम में निजी क्षेत्र के सहयोग जरूरी बा, एह से सभे मिलजुल के आगे बढ़े के चाहीं।
जनकपुर उद्योग वाणिज्य संघ के अध्यक्ष सुरेन्द्र भण्डारी सही आ तथ्य आधारित व्यापारिक जानकारी देवे पर जोर दिहलन। वहीं, औषधि व्यवसायी संघ के अध्यक्ष प्रमोद अग्रवाल कहलन कि उद्योग आ व्यापार के समस्या सुलझावे में सरकार के गंभीर होखे के जरूरत बा।
जिला आर्थिक गणना कार्यालय के प्रमुख शिवनारायण महतो बतवले कि ई गणना १८ गो क्षेत्र के समेटत असार ७ गते तक चली। पिछला आर्थिक गणना में मधेस प्रदेश में १ लाख १७ हजार ६७० प्रतिष्ठान दर्ज रहल।
आवे वाला वैशाख महीना से राष्ट्रीय आर्थिक गणना शुरू होई
