SEE परीक्षा देके घर लौटत समय मोटरसाइकल दुर्घटना में ३ गो मौत, ३ घायल

महोत्तरी के एकडारा गाउँपालिका–५, बथनाहा में आजु बिहानियस जलेश्वर–बर्दिबास सडकखण्ड पर दू मोटरसाइकल आपस में ठोक्काइला से आग लग गइल। दुर्घटना में तीन गो विद्यार्थी घटनास्थल पर ही जर के मर गइलें आ तीन गो घायल भइलें। मृतक आ घाइते सभे SEE परीक्षा दिहला के बाद घर वापस जात रहलें।
जिल्ला प्रहरी कार्यालय के प्रहरी नायब उपरीक्षक शैलेन्द्र भट्ट के कहना बा कि दुर्घटना में संलग्न मोटरसाइकल पूरा तरह से जल गइल बा आ नम्बर प्लेट तक देखाई नइखे देत। मृतक आ घायल में अबहीं तक केहू के नाम, थर या ठिकाना सार्वजनिक नइखे भइल।
पुलिस के अनुसार घायल में दू गो के हालत गंभीर बा जबकि एगो के मध्यम बा। घायल लोग के तुरत सदरमुकाम जलेश्वरस्थित प्रादेशिक अस्पताल भेजल गइल बा।
पुलिस घटना के पूरा कारण के जाँच कर रहल बा। स्थानीय लोग कहत बा कि ई दुर्घटना सड़क सुरक्षा आ विद्यार्थी लोग के सुरक्षा पर अउरी ध्यान देवे के जरूरत बा ।