बारा पुलिस अलग–अलग मामला में फरार रहल ६ गो प्रतिवादी के गिरफ्तार कइले बा। ऊ सभे के मंगर के दिन बारा जिला अदालत में पेश कइल गइल, एह बात के जानकारी जिला प्रहरी कार्यालय बारा के प्रवक्ता आ प्रहरी नायब उपरीक्षक विजयराज पण्डित प्रेस विज्ञप्ति के माध्यम से देले बाड़न।
पुलिस कार्रवाई के दौरान फरार रहल ई सभे प्रतिवादी के खोजतलास क के लुकाछिपी में रहल हालत में पकड़ल गइल। गिरफ्तारी में जिला प्रहरी कार्यालय बारा आ ओकर मातहत के पुलिस टीम सभे सक्रिय रहल।
गिरफ्तार भइल लोग में कलैया उपमहानगरपालिका वडा नं. १९ के ४९ बरिस के ओसि महम्मद ठकुराई के चेक अनादर मामला में एक महीना कैद आ ३ हजार रुपया जुर्माना तय रहल।
एही तरह कलैया उपमहानगरपालिका वडा नं. ६ के ६५ बरिस के मोहनलाल प्रसाद साह के चेक अनादर मामला में २ हजार ५ सौ रुपया जुर्माना तय कइल गइल रहे।
पुलिस बतवले बा कि बाकी फरार प्रतिवादी सभे के भी खोज के कानूनी प्रक्रिया अनुसार कार्रवाई आगे बढ़ावल जा रहल बा ।