बारा में अनधिकृत तरीका से बिजली चोरी क के सिंचाई में इस्तेमाल भइल सात गो विद्युत मोटर के नियन्त्रण में ले लिहल गइल बा। नेपाल विद्युत प्राधिकरण कलैया वितरण केन्द्र आ सुरक्षा टीम के संयुक्त टोली मंगर के दिन बारा जिला के अलग–अलग जगह पर चलत ई मोटर सभ के नियन्त्रण में लेले बा।
कलैया वितरण केन्द्र के सुपरवाइजर दीपेन्द्र कुमार साह के अनुसार, १ एच.पी. के ५ गो सिंचाई मोटर, २ एच.पी. के २ गो मोटर, १ गो पंखा, १ गो स्पीकर आ १ गो फर्नीचर मशीन बरामद भइल बा।
साह बतवले कि मोटर के मालिक अगर संपर्क में आइल त जुर्माना देके ई सामान वापिस मिल सकेला, नइखे त ई सामग्री जफत क दीहल जाई। उनकर कहना बा कि बिजली चुहावट रोकला खातिर चलावल जा रहल अभियान अब अउरी कड़ाई से जारी रही।
बारा में अनधिकृत इस्तेमाल भइल सात गो विद्युत मोटर के नियन्त्रण में ले लिहल गइल
