परराष्ट्र मंत्री शिशिर खनाल आज मरिसस खातिर रवाना होखत बाड़ें

परराष्ट्र मंत्री शिशिर खनाल भारत के विदेश मंत्री एस. जयशंकर के निमंत्रण पर मरिसस के राजधानी पोर्ट लुइस में काल्ह से शुरू होखे जा रहल नवम हिंद महासागर सम्मेलन (IOC) में शामिल होखे खातिर आज उहां रवाना हो रहल बाड़ें।
‘हिंद महासागर शासन खातिर सामूहिक संरक्षकत्व’ विषय पर आधारित ई सम्मेलन चैत 27 आ 28 गते आयोजित होई, जवन मरिसस सरकार के सहयोग से इंडिया फाउंडेशन आयोजित करत बा। एह सम्मेलन में मंत्री खनाल नेपाल के राष्ट्रीय धारणा पेश करीहें।
परराष्ट्र मंत्रालय के अनुसार, ऊ हिंद महासागर क्षेत्र के शासन, पहाड़ आ महासागर के पारिस्थितिक संबंध, आ आर्थिक विकास खातिर समुद्री संपर्क के महत्व पर नेपाल के दृष्टिकोण रखीहें।
सम्मेलन में हिस्सा लेवे के दौरान मंत्री खनाल अलग-अलग देशन के आपन समकक्ष लोग से मुलाकात आ वार्ता भी करीहें। ऊ चैत 30 गते स्वदेश लवट आईहें।