नेपाल सरकार संयुक्त राज्य अमेरिका आ इस्लामिक गणराज्य इरान बीच भइल दुई हफ्ता के युद्धविराम समझौता के स्वागत करत बा।
परराष्ट्र मंत्रालय बुध के दिने एगो प्रेस विज्ञप्ति जारी करत कहलस कि ई कदम पश्चिम एशिया में चल रहल तनाव घटावे खातिर एगो सकारात्मक शुरुआत ह। मंत्रालय के अनुसार, ई समझौता आपसी संवाद, कूटनीति आ मतभेद सभ के शांति के रास्ता से हल करे खातिर नया अवसर पैदा करत बा।
सरकार ई युद्धविराम के क्षेत्रीय शांति आ स्थिरता बढ़ावे खातिर महत्वपूर्ण पहल मानत बा आ जोर दिहलस कि जवनो विवाद शांति के माध्यम से सुलझावल जाए के चाहीं।
विज्ञप्ति में कहल गइल बा कि संघर्ष के कारण भइल मानवीय संकट पर गहरा चिंता व्यक्त करत सरकार आम नागरिक के सुरक्षा आ हित के प्राथमिकता देबे के जरूरत पर जोर दिहलस। साथ ही, क्षेत्रीय आ वैश्विक स्तर पर दीगो शांति बनावे खातिर अंतरराष्ट्रीय समुदाय के सभ सकारात्मक प्रयास पर नेपाल सरकार पूरा समर्थन देवे के प्रतिबद्धता जतवलस।
नेपाल सरकार अमेरिका आ इरान बीच युद्धविराम के स्वागत
