वीरगंज। जिला प्रशासन कार्यालय बारामें सरकारी जमीन पऽ कइल अतिक्रमण हटावे खातिर एगो महीना के नोटिस जारी भइल बा। मुख्य जिला अधिकारी धर्मेन्द्र कुमार मिश्र के हस्ताक्षर वाला नोटिस में कारागार शाखा के नाम पर दर्ज जमीन पऽ गैरकानूनी बनल संरचना हटावे के आदेश दिहल गइल बा।
सूचनाअनुसार, कलैया उपमहानगरपालिका वार्ड नं। ४ (साबिक कलैया गाविस वार्ड नं। ५०) में कारागार शाखा कार्यालय, कलैयाक नाम पऽ दर्ज कि.नं। १०३, १०२ आ ४४४ नंबर के सरकारी जमीन पऽ कई गो लोग लंबा समय से स्थायी आ अस्थायी संरचना बनाके रहत रहल बा।
जिला प्रशासन के जांच, स्थल निरीक्षण आ नापजोख के दौरान ई अतिक्रमण पक्का भइल बा। साथे, बिना सरकारी निकाय से कवनो औपचारिक अनुमति के, लोग अपन मनमर्जी से रहन-सहन आ संरचना बनवले रहे, जे कानून के खिलाफ बा।
स्थानीय प्रशासन ऐन, २०२८ के धारा ९ उपधारा ६ (क) के तहत नोटिस जारी करत कहल गइल बा कि नोटिस के तारीख से एक महीना के भीतर सब संरचना हटावल जाव। अगर तय समय में अतिक्रमण न हटावल गइल त कानून के मुताबिक कारवाई कइल जाई।
बारामें सरकारी जमीन पऽ अतिक्रमण हटावे खातिर एगो महीना के नोटिस जारी भइल
