सरकार गहुँ आ चैती धान के न्यूनतम समर्थन मूल्य तय कइलस

सरकार चालू आर्थिक वर्ष खातिर गहूँ आ चैती धान के न्यूनतम समर्थन मूल्य तय कर देले बा।
कृषि तथा पशुपन्छी विकास मंत्रालय के अनुसार, एह साल दुनो बाली के समर्थन मूल्य में बढ़ोतरी कइल गइल बा।
मंत्रालय के निर्णय अनुसार, एह साल गहूँ के न्यूनतम समर्थन मूल्य प्रति क्विन्टल ३ हजार ९ सय ४५ रुपैया रखल गइल बा, जवन पिछला साल के तुलना में ७७ रुपैया ६२ पैसा अधिक बा।
ओही तरह चैती धान के मूल्य प्रति क्विन्टल २ हजार ८ सय ५६ रुपैया ४९ पैसा तय कइल गइल बा, जवन पिछला साल से ५५ रुपैया ८ पैसा जादा बा।
पिछला साल गहूँ के समर्थन मूल्य ३ हजार ८ सय ६७ रुपैया ३८ पैसा प्रति क्विन्टल आ चैती धान के २ हजार ८ सय रुपैया ६९ पैसा प्रति क्विन्टल रहल रहे।
मंत्रालय के अनुसार, चैती धान के नया समर्थन मूल्य १८ प्रतिशत नमी वाला धान खातिर लागू होई। अगर नमी १८ प्रतिशत से अधिक हो जाला, त प्रति क्विन्टल १ किलो २ सय ग्राम के हिसाब से वजन घटा के भुगतान कइल जाई।
सरकार हर साल किसानन के उत्पादन में प्रोत्साहन देवे आ बजार में उचित मूल्य सुनिश्चित करे खातिर बाली लगावे से पहिले ही न्यूनतम समर्थन मूल्य तय करत आइल बा।