नवनिर्वाचित उपसभामुख रुवीकुमारी ठाकुर पदभार संभाल लीहली

प्रतिनिधि सभा के नवनिर्वाचित उपसभामुख रुवीकुमारी ठाकुर सोमार से आपन जिम्मेदारी आधिकारिक रूप से संभाल लीहली।
वितल चैत 27 के प्रतिनिधि सभा के बैठक में उपसभामुख चुनाइल ठाकुर सिंहदरबार स्थित आपन कार्यालय पहुंच के पदभार ग्रहण कइली। पद संभालत ही ऊ कहलि कि संसदीय प्रक्रिया के अउरी व्यवस्थित आ समावेशी बनावे खातिर ऊ आपन तरफ से पूरा कोशिश करीहें।
ओही दिन उपसभामुख ठाकुर सभामुख डोलप्रसाद (डीपी) अर्याल से उहाँ के कार्यकक्ष में जा के पहिला औपचारिक मुलाकात कइललें। एह दौरान सभामुख अर्याल ठाकुर के नया जिम्मेदारी खातिर बधाई देत सफल कार्यकाल के शुभकामना दिहलें।
सभामुख सचिवालय के अनुसार, एह मुलाकात में दुनो नेता लोग संसद के कामकाज, सदन के प्रभावशीलता आ आपसी समन्वय पर शुरुआती चर्चा कइलस।
मधेस प्रदेश से उभरत राजनीतिक चेहरा के रूप में ठाकुर के मौजूदगी से संसद के गरिमा आ महिला नेतृत्व के अउरी मजबूती मिले के उम्मीद जतावल जा रहल बा।