गृह मन्त्रालय के जिम्मेदारी फिलहाल खातिर प्रधानमंत्री शाह खुदे सम्हलिहें

प्रधानमंत्री बालेन्द्र शाह (बालेन) अब फिलहाल खातिर गृह मंत्रालय के जिम्मेदारी खुदे संभालिहें।
२६ दिन में ही गृहमंत्री सुधन गुरुङ के इस्तीफा देला के बाद खाली भइल एह महत्वपूर्ण मंत्रालय के जिम्मा प्रधानमंत्री शाह अपना मातहत में राखे के फैसला कइले बाड़ें।
बुध के प्रधानमंत्री कार्यालय पहुंच के गुरुङ जब इस्तीफा सौंपलें, त ओकरा तुरंत बादे प्रधानमंत्री ई निर्णय लिहलें। प्रधानमंत्री के प्रेस सलाहकार दीपा दाहाल के अनुसार, नया गृहमंत्री के नियुक्ति होखे तक मंत्रालय के रोजाना काम प्रधानमंत्री के निर्देशन में चली।
“गृहमंत्री जी अभी-अभी इस्तीफा देले बाड़ें। जब तक नया व्यवस्था ना होखेला, तब तक गृह मंत्रालय के नेतृत्व प्रधानमंत्री जी खुदे करीहें,” दाहाल जानकारी दिहली।