सुन के दाम में एके दिन ४४ सौ के उछाल, चाँदी के भाव भी लगातार चढ़त

नेपाली बाजार में पिछला दू दिन से गिरत सोना के दाम आज मंगल के दिन जोरदार तरीके से बढ़ गइल बा।
नेपाल सुनचाँदी व्यवसायी महासंघ के जानकारी अनुसार, आजु सोना के दाम प्रति तोला ४४०० रुपइया बढ़ के ३ लाख २ हजार ९०० रुपइया पहुंच गइल बा। काल्हु आ परसों लगातार गिरावट के बाद आज के ई तेजी से बाजार फेर से गरम हो गइल बा।
ओही तरह, चाँदी के दाम भी लगातार ऊपर जा रहल बा। आज चाँदी प्रति तोला ३१० रुपइया बढ़ के ५ हजार ६९५ रुपइया हो गइल बा।
याद रहे कि एह से पहिले माघ १५ गते सोना के दाम अबले के सबसे ऊँच स्तर ३ लाख ३९ हजार ३०० रुपइया तक पहुंचल रहे, आ चाँदी भी ओही दिन ७ हजार ५०५ रुपइया के रिकॉर्ड बनवले रहे।