पाकिस्तान के खैबर पख्तुनख्वा प्रांत के बजौर जिला में स्थित स्काउट्स मुख्यालय पर भइल आत्मघाती हमला में कम से कम ९ गो सुरक्षाकर्मी के मौत हो गइल बा, जबकि २१ गो घायल हो गइल बाड़ें।
स्थानीय समय अनुसार, बियफे के साँझ करीब ७:५५ बजे विस्फोटक से भरल एगो गाड़ी स्काउट्स क्याम्प के मुख्य गेट से टकरा के जोरदार धमाका कइलस, जवन के जानकारी अंतरराष्ट्रीय समाचार संस्था सिन्ह्वा देले बा।
शुरुआती जानकारी के मुताबिक, सुरक्षाकर्मी लोग संदिग्ध गाड़ी के मुख्य गेट पर ही रोके के कोशिश कइलस। एह दौरान भइल जबरदस्त धमाका से गेट आ आसपास के दीवाल में भारी नुकसान पहुँचल बा।
धमाका के तुरंत बाद भारी हथियार से लैस आतंकवादी लोग गोलीबारी शुरू क देले, जवन से सुरक्षा बल आ हमलावरन के बीच मुठभेड़ शुरू हो गइल। सूत्रन के अनुसार, एह भिड़ंत में कुछ आतंककारी भी मारल गइल बाड़ें।
घटना के बाद सुरक्षा बल राहत आ बचाव अभियान तेज क देले बा। मृत आ घायल लोग के पहचान करे के काम जारी बा, एह बात के अधिकारी लोग पुष्टि कइले बा।
घायल सुरक्षाकर्मी लोग के नजदीकी अस्पताल में इलाज खातिर भेजल गइल बा। अभी तक कवनो संगठन एह हमला के जिम्मेदारी नइखे लिहले, आ सुरक्षा एजेंसी इलाका में आगे के ऑपरेशन जारी रखले बाड़ी, एह चलते पूरा नुकसान के जानकारी अभी सामने आवे बाकी बा।
पाकिस्तान के एगो स्काउट्स क्याम्प पर भइल आत्मघाती हमला, ९ गो सुरक्षाकर्मी के मौत
