पर्सा पुलिस बड़ा परिमाण में अवैध नशा (गाँजा) सहित एगो भारतीय नागरिक के गिरफ्तार कइले बिया।
जिला पुलिस कार्यालय पर्सा के अनुसार, १०२ किलो ६३८ ग्राम गाँजा सहित भारतीय नंबर प्लेट वाला कार आ ओकर चालक के नियंत्रण में लिहल गइल बा।
विशेष सूचना के आधार पर, एतवार रात करीब ११ बजे जगरनाथपुर गाउँपालिका–२ के भीतरी सड़क खंड में जानकीटोल से खटावल पुलिस टीम भारत तरफ जात बीआर ०१ सियु ३५४४ नंबर के सफेद रंग के स्पोर्ट्स कार के संदेह के आधार पर रोकलस।
जाँच (खानतलासी) के दौरान पुलिस कार के अंदर लुकावल १० गो पोका में रखल भारी मात्रा में गाँजा बरामद कइलस।
गिरफ्तार होखे वाला व्यक्ति के पहचान भारत के बिहार राज्य, पश्चिम चम्पारण (बेतिया) जिला के नवलपुर निवासी ३२ साल के गुडु बर्मा के रूप में भइल बा।
बरामद गाँजा, गाड़ी आ चालक के कब्जा में लेके लागू औषध संबंधित मुद्दा में आगे के अनुसन्धान जारी बा, जिला पुलिस कार्यालय पर्सा जानकारी दिहलस।