बारा में मोटरसाइकिल खुदे अनियंत्रित भइला से चालक के मौत हो गइल

वीरगंज। बारा के जितपुरसिमरा उपमहानगरपालिका–23 भलुहीचोक स्थित वीरगंज–पथलैया सड़क खंड पर मोटरसाइकिल खुदे अनियंत्रित होके दुर्घटनाग्रस्त हो गइल, जवन में एक आदमी के मौत हो गइल बा।
बुध के  बिहानिया करीब 5:30 बजे वीरगंज से पथलैया तरफ आवत म.प्र.03–019 प 6839 नंबर के मोटरसाइकिल अचानक अनियंत्रित होके सड़क किनारे के रेलिंग में जा के ठोक्काइल, पुलिस जानकारी देले बा।
दुर्घटना में मोटरसाइकिल चालक, पर्सा के ठोरी गाउँपालिका–4 निवासी धनबहादुर श्रेष्ठ के करीब 40 साल के बेटा ईश्वर श्रेष्ठ गंभीर रूप से घायल हो गइल रहले। उनकर शरीर के कई हिस्सा में चोट लागल रहे आ शुरुआती इलाज खातिर प्रादेशिक अस्पताल कलैया भेजल गइल रहे।
बाद में बेहतर इलाज खातिर नारायणी अस्पताल ले जाइल गइल, जहां डॉक्टर लोग ईसीजी जांच के बाद बिहान करीब 7:30 बजे उनकर मौत घोषित कर देले।
दुर्घटना के बाद इलाका प्रहरी कार्यालय जितपुर से प्रहरी निरीक्षक तेजनारायण बैठा के नेतृत्व में पहुंचल पुलिस टीम घटनास्थल के जांच कइलस आ दुर्घटनाग्रस्त मोटरसाइकिल के अपने कब्जा में लेके इलाका प्रहरी कार्यालय जितपुर में राख देले बा। मृतक के लाश नारायणी अस्पताल में राखल गइल बा, पुलिस बतवले बा।