वीरगंज । पर्सा पुलिस जिला के अलग–अलग जगह पर लुकाइल तीन गो फरार प्रतिवादी के पकड़ लिहलस।
जिला पुलिस कार्यालय पर्सा के अनुसार, पकडल गइल लोग जिला अदालत पर्सा से अलग–अलग मामला में सजा पवले आरोपी हवे। इनमें से कुछ लोग अपहरण, शरीर बंधक, जबरजस्ती करणी आ जालसाजी जइसन मामला में दोषी ठहरावल गइल रहलें।
पुलिस बतवले कि पकडल गइल लोग में कुछ अइसन भी बा जेकरा के अदालत एक साल कैद के सजा सुनवले रहल। ई लोग काफी समय से फरार रहल आ पुलिस अलग–अलग जगह पर खोज के आखिरकार पकड़ लिहलस।
पुलिस अभी तक पकडल गइल तीनों आदमी के नाम सार्वजनिक नइखे कइले। गिरफ्तारी के बाद कानूनी प्रक्रिया पूरा करके ओह लोग के जिला अदालत पर्सा में पेश कइल गइल बा, जिला पुलिस कार्यालय पर्सा बतवले बा।