वीरगञ्ज । बारा के स्थानीय तह आ विद्यालय में सालों से कायम बेरुजु फर्छ्यौट के साथे शिक्षा क्षेत्र के बाकी काम के प्रभावकारी ढंग से आगे बढ़ावे के विषय पर सरोकारवाला लोग के बीच छलफल भइल बा।
शिक्षा विकास तथा समन्वय इकाई बारा के आयोजन में मंगल के कलैया स्थित श्री ३ चन्द्र माध्यमिक विद्यालय में आयोजित अन्तरक्रिया कार्यक्रम में शिक्षा क्षेत्र के समस्या, योजना के कार्यान्वयन आ सुधार के उपाय पर छलफल कइल गइल।
अन्तरक्रिया में स्थानीय तह के शिक्षा प्रमुख तथा शिक्षा अधिकृत, संस्थागत विद्यालय के संस्थापक आ आधारभूत तथा माध्यमिक तह के प्रधानाध्यापक लोग सहभागी भइलें। सहभागी लोग अपना-अपना तह में देखल गइल शैक्षिक समस्या आ चुनौती के बारे में अनुभव आदान-प्रदान करत समाधान के सम्भावित उपाय पर विचार-विमर्श कइलें।
कार्यक्रम में अलग-अलग आर्थिक वर्ष से स्थानीय तह आ विद्यालय में कायम बेरुजु फर्छ्यौट के प्राथमिकता के साथे आगे बढ़ावे के विषय उठावल गइल। एही तरह गाँव आ नगर शिक्षा योजना बनाके ओकर प्रभावकारी ढंग से कार्यान्वयन करे के विषय पर भी सहभागी लोग आपन धारणा रखलें।
अन्तरक्रिया में अनिवार्य तथा निःशुल्क शिक्षा लागू करे में बाकी रहल स्थानीय तह के अवस्था, जिला के साक्षर घोषणा करे के प्रक्रिया आ एह खातिर जरूरी काम के बारे में भी छलफल भइल।
शिक्षा विकास तथा समन्वय इकाई बारा के अनुसार स्थानीय तह के सहकार्य में शिक्षा क्षेत्र के कार्यक्रम प्रभावकारी बनावे आ बाकी काम के प्राथमिकता के साथे आगे बढ़ावे के उद्देश्य से अन्तरक्रिया आयोजना कइल गइल।
कार्यक्रम में स्थानीय तह आ विद्यालय में कायम बेरुजु फर्छ्यौट, शिक्षा योजना के निर्माण तथा कार्यान्वयन, अनिवार्य आ निःशुल्क शिक्षा सुनिश्चित करे के काम में तेजी लावे के साथे बारा के साक्षर जिला घोषणा करे के प्रक्रिया आगे बढ़ावे पर जोर दिहल गइल।
बारा में बेरुजु फर्छ्यौट से लेके साक्षर जिला घोषणा तक के विषय पर छलफल
