वीरगञ्ज । सशस्त्र प्रहरी बल के नियमित गश्ती टोली पर्सा के अलग-अलग जगह से सीमा शुल्क चोरी करके ले आवल गइल आ लुकाके रखल गइल १७ लाख ५६ हजार ९९० रुपइया मूल्य के अवैध सामान बरामद कइले बा।
वीरगञ्ज महानगरपालिका–१ नैकाटोला से ६ लाख ९८ हजार ४५० रुपइया मूल्य के अलग-अलग मोबाइल के पार्ट्स बरामद भइल। भारत से सीमा शुल्क चोरी करके अवैध रूप से ले आवत दू गो आदमी प्रहरी टोली के देख के सामान छोड़ के फरार हो गइल।
एही तरह पकाहामैनपुर गाउँपालिका–५ सबैठवा में एगो गोठ में लुकाके राखल १० लाख ५८ हजार ५४० रुपइया मूल्य के लत्ताकपड़ा भी सशस्त्र प्रहरी बरामद कइलस।
बरामद सभ सामान के जरूरी कानूनी कारबाही खातिर वीरगञ्ज भन्सार कार्यालय में बुझा दिहल गइल बा। ई जानकारी सशस्त्र प्रहरी नायब उपरीक्षक प्रकाशचन्द्र भट्ट देले बाड़े।
पर्सा में १७ लाख ५६ हजार रुपइया बराबर के भन्सार छली के मोबाइल पार्ट्स आ कपड़ा बरामद
