काठमांडू । नेपाली कांग्रेस के १५वाँ केंद्रीय महाधिवेशन के तहत वार्ड तह के अधिवेशन आज (असोज ३ गते) से देशभर में शुरू होखे वाला बा। असोज ३ आ ४ गते होखे वाला वार्ड अधिवेशन में सभे क्रियाशील सदस्य आ पार्टी के सभे तह आ निकाय के उत्साहपूर्वक सहभागी होखे के कांग्रेस आग्रह कइले बा।
पार्टी के केंद्रीय कार्यसमिति के पहिले से घोषित निर्णय के अनुसार आगामी असोज १६ से १९ गते तक १५वाँ केंद्रीय महाधिवेशन आयोजित होखे वाला बा। ओही महाधिवेशन के पहिला पड़ाव के रूप में वार्ड तह के निर्वाचन संपन्न करावे खातिर ७७ गो जिला में निर्वाचन अधिकृत नियुक्त कइल जा चुकल बा, अइसन केंद्रीय निर्वाचन समिति जनवले बा।
जिला में नियुक्त निर्वाचन अधिकृत लोग पार्टी के स्थानीय आ जिलास्तरीय जिम्मेवार पदाधिकारी लोग से जरूरी छलफल क के हर वार्ड में मतदान अधिकृत नियुक्त करे समेत सभे तकनीकी आ व्यवस्थापकीय तैयारी पूरा कर लिहले बा।
एही बीच, केंद्रीय निर्वाचन समिति वार्ड अधिवेशन के संबंध में फैल सके वाला कवनो किसिम के अफवाह आ भ्रामक सूचना के पीछे ना लागे खातिर अपील कइले बा। निर्धारित असोज ३ आ ४ गते में ही अधिवेशन संपन्न होखी, ई स्पष्ट करत समिति सभे क्रियाशील सदस्यन से प्रक्रिया में सक्रिय आ अनुशासित रूप से सहभागी होखे के अनुरोध कइले बा।
नेपाली कांग्रेस के वडा अधिवेशन आज से शुरू
