वीरगंज। चाड-पर्व के ध्यान में रखके वीरगंज में टीभीएस के ‘अब सबके महा एक्सचेंज’ ऑफर शुरू कइल गइल बा। पुरान बाइक आ स्कुटर के बदल के नया टीभीएस गाड़ी खरीदे के चाहत राखे वाला ग्राहकन खातिर ई ऑफर शुरू कइल गइल बा।
वीरगंज में नारायणी यातायात के लगे स्थित टीभीएस के मुख्य बिक्रेता अंकित ट्रेड कन्सर्न के ओर से चलावल जा रहल एह ऑफर के तहत ग्राहक आपन पुरान बाइक भा स्कुटर के मूल्यांकन कराके नया टीभीएस गाड़ी खरीद सकत बाड़ें। कंपनी के कहनाम बा कि पुरान गाड़ी के उचित मूल्यांकन के साथे नया गाड़ी खरीदे पर तरह-तरह के आकर्षक छूट आ सुविधा दिहल जाई।
एह ऑफर के तहत पुरान गाड़ी के खरीद मूल्य के 100 प्रतिशत तक नकदी वापस पावे के मौका बा। एही के साथे ग्राहक 10 लाख रुपिया तक के नगद छूट पा सकेलें आ ‘गोल्डेन की’ जीते के मौका भी मिल सकेला।
अंकित ट्रेड कन्सर्न के सञ्चालक माधवराज पाल के मुताबिक, चाड-पर्व के मौका पर शुरू कइल गइल एह ऑफर के लाभ ग्राहक कम से कम एक हफ्ता तक उठा सकत बाड़ें। ऊ बतवले कि ई ऑफर छठ पर्व तक जारी रही। उहाँ ईहो जानकारी दिहल गइल कि इलेक्ट्रिक स्कुटर भी आकर्षक दाम पर उपलब्ध बा आ ग्राहक किस्त पर भी गाड़ी खरीद सकत बाड़ें।
कंपनी के मुताबिक, एक्सचेंज ऑफर में शामिल होखे वाला ग्राहकन के पाँच साल तक मुफ्त सर्विस के सुविधा मिली। ओही के साथे नागरिकता आ सवारी चालक अनुमति पत्र (लाइसेन्स) के आधार पर आसानी से किस्त पर नया गाड़ी खरीदे के व्यवस्था कइल गइल बा।
कंपनी के कहनाम बा कि पुरान गाड़ी के मूल्यांकन से लेके नया गाड़ी खरीदे तक ग्राहकन के सहज आ सुविधाजनक सेवा देवे के उद्देश्य से ई ऑफर शुरू कइल गइल बा। एह ऑफर से पुरान बाइक भा स्कुटर चलावे वाला ग्राहकन के नया तकनीक आ आधुनिक सुविधा से लैस टीभीएस गाड़ी खरीदे के बढ़िया मौका मिली।
वीरगंज में टीभीएस के महा एक्सचेंज ऑफर शुरू, 10 लाख तक के छूट पावे के मौका
