वीरगंज। जेन जी पर्सा के संयोजक बिशेष साह के नेतृत्व में गइल टोली आज वीरगंज महानगरपालिका से आर्थिक स्थिति से जुड़ल विस्तृत सूचना के मांग कइले बा।
टोली महानगरपालिका के अब तक के आर्थिक स्थिति, आय–व्यय के विवरण, संचित कोष आ बैंक में मौजूद रकम, आंतरिक राजस्व, संघीय आ प्रदेश सरकार से मिलल अनुदान, विकास आ पूंजीगत खर्च, भुगतान करे खातिर बाकी दायित्व आ लेखापरीक्षण प्रतिवेदन से जुड़ल प्रमाणित विवरण उपलब्ध करावे के मांग कइले बा।
सार्वजनिक बजट आ नागरिकन के कर से जुटावल रकम के इस्तेमाल पारदर्शी होखे के चाहीं, एह पर जोर देत टोली कहले बिया कि महानगरपालिका के वास्तविक आर्थिक स्थिति नागरिकन के सामने साफ-साफ आइल जरूरी बा।
जेन जी पर्सा सुशासन, आर्थिक पारदर्शिता आ सार्वजनिक जवाबदेही खातिर आपन निगरानी आ खबरदारी जारी रखे के जनवले बा ।
वीरगंज महानगरपालिका से आर्थिक पारदर्शिता के बारे में सूचना के मांग
