वीरगंज – सनसाइन बोर्डिङ स्कूल के वार्षिक खेलकूद कार्यक्रम आज वीरगंज में भव्य रूप से सम्पन्न भइल। कार्यक्रम में स्कूल के प्रिंसिपल कुमारी निधि सभापति रहलन, आ निजी आ आवासीय विद्यालय संगठन नेपाल (प्याप्सन) के जिल्ला कार्यसमिति पर्सा के अध्यक्ष सरोजप्रसाद चौधरी आ प्याप्सन महानगर अध्यक्ष राहुल श्रीवास्तव संयुक्त रूप से उद्घाटन कइले।
उद्घाटन समारोह में सरोजप्रसाद चौधरी कहलन कि स्कूल छोट समय में गुणस्तरीय शिक्षा आ अतिरिक्त गतिविधि में उल्लेखनीय योगदान दिहलस। उनकरा अनुसार शिक्षक, अभिभावक आ स्कूल परिवार के बधाई आ शुभकामना बा। राहुल श्रीवास्तव कहलन कि विद्यार्थी लोग के प्रस्तुत सांगीतिक, नृत्य आ नाटक गतिविधि स्कूल के भविष्य उज्ज्वल बने के संभावना देखावत बा आ आगू आउरी उत्कृष्ट उपलब्धि हासिल कइल जा सकेला।
कार्यक्रम में विद्यार्थी लोग मार्मिक गीत, संगीत आ नृत्य प्रदर्शन कइलें। प्रथम, द्वितीय आ तृतीय स्थान पावे वाला विद्यार्थी लोग के मेडल आ प्रमाणपत्र देके सम्मान कइल गइल। कार्यक्रम में प्याप्सन के मधेस प्रदेश उपाध्यक्ष पुरन प्रधान, वरिष्ठ उपाध्यक्ष सुशिला शाह, सचिव अशोक संग्रौला, वरिष्ठ सल्लाहकार आलोक चौरसिया, महानगर उपाध्यक्ष शर्मानन्द कुशवाहा आ कोषाध्यक्ष सुरज बाबु पटेल समेत शुभकामना व्यक्त कइलन।
विद्यालय के संचालक अमित आलोक स्वागत भाषण में कहलन कि स्कूल लगातार प्रयास कर रहल बा कि विद्यार्थी लोग के गुणस्तरीय शिक्षा आ अतिरिक्त गतिविधि में अब्बल बनावल जा सके। कार्यक्रम के सहजीकरण स्कूल के कोर्डिनेटर दीपक कुशवाहा कइलें।
सनसाइन बोर्डिंग स्कूल के वार्षिक खेलकूद कार्यक्रम सम्पन्न
