सिरहा के गोलबजार में सोमार के सुर्खेत के इनिशा विश्वकर्मा के हत्या आ रौतहट में दलित समुदाय पर भइल सामूहिक पिटाई के खिलाफ बड़हन विरोध प्रदर्शन भइल बा।
ई प्रदर्शन दलित विकास मंच के आयोजन में आ कई गैर-सरकारी संगठनन के सहयोग से निकालल गइल। रैली में शामिल लोगन पीड़ित के तुरत न्याय देवे आ दोषियन के खिलाफ कड़ा कानूनी कार्रवाई करे के सरकार से मांग कईल।
प्रदर्शनकारी गोलबजार के इलाका में जोरदार नारा लगावत कहलें कि दलित आ जनानी पर होखे वाला हिंसा पर राज्य संवेदनशील नइखे बनत। उ लोग ई घटना से समाज में असुरक्षा बढ़त बतावत सरकार के ध्यान खींचलें।
प्रदर्शन के बाद गोलबजार के मुख्य चोक में आयोजित कोणसभामे वक्ता लोगन दलित जनानी पर बढ़त हिंसा आ हत्या के घटना पर गहिरा चिंता व्यक्त कइलें। उनका अनुसार, बिटियन के स्कूल जाए के बाद सुरक्षित घर वापस आ सके के बात पर अभिभावक हमेशा डेराइल रहत बाडें, ई बहुत दुखद बा।
वक्ता लोग कहले कि राज्य के सम्बन्धित निकाय महिला आ दलित मुद्दा पर जिम्मेदार रवैया नइखे अपनावत, जेसे अपराधियन के हिम्मत बढ़ रहल बा। कानूनी राज्य आ इमानदार प्रशासन के कमी से जनानी लोग असुरक्षित बनत जा रहल बा। एहसे समाज में स्वतंत्र आ सुरक्षित जीए के अधिकार सुनिश्चित करे खातिर सरकार गम्भीर होखे के जरूरत बा।
कोणसभामे सञ्जय महरा, शिवकुमार महरा, दलित महिला केन्द्र (सीडीडब्लूएन) की रीता रजक आ मुक्ति नेपाल के दास समेत अन्य वक्ता लोग दलित महिला पर भइल बलात्कार आ हत्या के घटना के खिलाफ एकजुट होके संघर्ष करे के आह्वान कइलें।
इनिशा विश्वकर्मा के हत्या आ रौतहट में भइल घटनाक विरोध में गोलबजार में प्रदर्शन
