वीरगंज — शस्त्र प्रहरी गण नं. १३ पर्सा, वीरगंज आ वीरगंज हेल्थ केयर अस्पताल के समन्वय आ सहयोग से पर्सा जिला के अलग–अलग गाउँपालिका के चार गो शारीरिक अपांगता वाला आ चलफिर ना सके वाला लोग के घर-घर पहुँच के व्हीलचेयर उपलब्ध करावल गइल बा।
एह कार्यक्रम के तहत जिराभवानी गाउँपालिका वडा नं. १ पकडीटोला निवासी ६२ साल के प्रेम चौधरी के घर पहुँचल गइल आ व्हीलचेयर दिहल गइल। ऊ काम के सिलसिला में गाय-बस्तु खातिर गाछ पर चढ़ के घास काटत घरी गिर गइल रहलें आ स्पाइनल कॉर्ड इंजुरी के कारण पूरा तरह से अपांग हो गइल रहलें। पिछिला दू साल से बिछाैना पर रहत ऊ आ उनका परिवार आर्थिक रूप से भी कठिनाई झेलत रहल। एह जानकारी के बाद शस्त्र प्रहरी गण नं. १३ के गणपति एसपी मोहन बहादुर क्षेत्री खुद उनका घर जा के सहयोग दिहलन।
ओही तरह जिराभवानी गाउँपालिका वडा नं. २ सेढवा निवासी ३५ साल के विनोद दास थारु, जे जन्मजात निचला हिस्सा चलावे में असमर्थ बाड़न, उनका के भी घर पहुँचके व्हीलचेयर दिहल गइल।
धोबनी गाउँपालिका वडा नं. ५ धोबनी निवासी ४२ साल के मनबोध चौधरी, जे ‘मलाह’ रोग के कारण चलफिर ना सके, उनका के भी घर पहुँचके व्हीलचेयर उपलब्ध करावल गइल।
बिन्दबासिनी गाउँपालिका वडा नं. ३ झौवा निवासी १० साल के आलोक कुमार राम, जे जन्मजात अपांगता वाला बालक बाड़न, उनका के भी घर पहुँच के व्हीलचेयर दिहल गइल।
व्हीलचेयर हस्तांतरण कार्यक्रम में शस्त्र प्रहरी गण नं. १३ के गणपति एसपी मोहन बहादुर क्षेत्री, बोर्डर आउटपोस्ट महादेवपट्टी के प्रमुख हरीचन्द्र खड्का, सामाजिक अभियन्ता प्रकाश थारु, संबंधित वडाका अध्यक्ष रामशरण खवास आ मनौवर अहमद समेत कई स्थानीय व्यक्तित्व मौजूद रहलें।
शस्त्र प्रहरी गण नं. १३ पहिले भी अलग–अलग दुर्गम इलाका में पहुँच के असहाय आ गरीब नागरिक लोग के जरूरी सहयोग प्रदान करत रहल बा।
पर्सा में शारीरिक अपांगता वाला नागरिक लोग के व्हीलचेयर मदद
