वीरगञ्ज के नेशनल मेडिकल कॉलेज के मिलल अंतर्राष्ट्रीय स्तर के ‘आईएसओ’ प्रमाणीकरण

वीरगंज–१५ में स्थित नेशनल मेडिकल कॉलेज आ शिक्षण अस्पताल के अंतर्राष्ट्रीय स्तर के ‘आईएसओ-9001:2015’ क्वालिटी मैनेजमेंट सिस्टम (QMS) प्रमाणीकरण मिल गइल बा।
अस्पताल के मैनेजमेंट सिस्टम, कामकाज के तरीका आ सेवा प्रवाह के बिस्तार से मूल्यांकन के बाद ई अंतर्राष्ट्रीय मान्यता दिहल गइल बा। अस्पताल के अनुसार ई प्रमाणीकरण के भीतर चिकित्सा सेवा, क्लिनिकल ट्रेनिंग, शिक्षण अस्पताल सेवा, डायग्नोस्टिक आ लैब सेवा, रेडियोलॉजी, फार्मेसी, इमरजेंसी सेवा, ब्लड बैंक आ अउरी सहायक सेवाएं शामिल बा।
ई उपलब्धि से संस्थान के गुणवत्ता सुनिश्चित करे के प्रतिबद्धता आ मानकीकृत सेवा प्रणाली के पुष्टि होखत बा। अस्पताल प्रशासन के विश्वास बा कि एहसे सेवाग्राही के संतुष्टि बढ़ी आ प्रक्रिया आधारित सेवा अउरी मजबूत होई।
नेशनल मेडिकल कॉलेज के मैनेजमेंट कहले बा कि ई प्रमाणीकरण अंतर्राष्ट्रीय स्तर के गुणवत्ता मानक बनावे, मरीज के बेहतर सेवा देवे आ मेडिकल शिक्षा के स्तर सुधार में मदद करी।
प्रबंध निदेशक सहनवाज अंसारी कहले कि आईएसओ-9001:2015 मिलल खाली उपलब्धि ना, बल्कि लगातार बेहतर सेवा देवे के जिम्मेदारी भी बा। उ कहले,
“हमनी के उद्देश्य बा कि मरीज के सुरक्षित, व्यवस्थित आ सम्मानजनक स्वास्थ्य सेवा मिले। ई प्रमाणीकरण हमनी खातिर गर्व के साथ-साथ जिम्मेदारी भी ह।”